ഞാനും നീയും

കേള്‍ക്കണോ മഴയുടെ അലര്‍ച്ച??

ഈ ഭൂമിയില്‍ ഞാനും നീയും മാത്രം

അവശേഷിച്ചു എന്ന് സങ്കല്പിക്കു 

ഇപ്പോള്‍ നിന്‍റെ മനസ്‌ കരയുന്നില്ലേ ??

അത്രയും ഉച്ചത്തിലാ മഴയുടെ അലര്‍ച്ച.

കടല്‍

രാവിലും ഉറങ്ങാതിരമ്പുന്ന

കടലിനെ ഞാനിത്രമേല്‍ 

പ്രണയിക്കുന്നതെന്തെന്നോ...?

രാവില്‍ ഉറങ്ങാതിരമ്പി അത് നിന്‍റെ 

ഹൃദയത്തെ ഓര്‍മിപ്പിക്കുന്നത്‌ കൊണ്ട്...    

മഴയായ് പുനര്‍ജ്ജനിക്കാം

നമുക്ക് മഴ തുള്ളികളാകാം..

ആകാശത്തിന്‍റെ ഇരുണ്ട നീലിമയില്‍ 

നിന്നടര്‍ന്നു വീഴുമ്പോള്‍ 

ഭൂമിയെയുറ്റു നോക്കാം...

മണ്ണിന്‍റെ മാറിലൂടൊഴുകുന്ന 

നീര്‍ച്ചാലില്‍ ഒന്നായ് പതിക്കാം 

ചെറു വിറയലോടെ ...

പിന്നെ  കുളിരായ് പുഴയായ് 

ആഴി തേടി ആഴങ്ങളിലൊഴുകാം