പ്രപഞ്ച സത്യത്തിനു നേരെ എന്‍റെ കണ്ണുകളെ തുറന്നു വച്ച
ഗുരുവാണ് നീ..
എന്നില്‍ നിറയുന്ന ചൈതന്യം, നിന്‍റെ ഹൃദയത്തില്‍ നിന്നും
കൊളുത്തി വച്ച നന്മയാണ്..
എന്‍റെ പ്രണയ ദാഹങ്ങളെ അത്ര മേല്‍ ആഴത്തില്‍
അറിഞ്ഞ കാമുകനും നീ..
എന്നില്‍ പീലി വിടര്‍ത്തി ആടുന്ന പ്രണയം നീ..
ജീവിത പാതയില്‍ കാലിടറാതെ നടത്തുന്ന കൂടുകാരന്‍ നീ..
എന്നിലെ കുഞ്ഞിന്‍റെ ശാട്യങ്ങള്‍ ഒക്കെയും ഇഷ്ടപെടുന്ന
അമ്മ നീ..
എന്‍റെ കണ്ണ് നീര്‍ ഇത്രമേല്‍ വെറുക്കുന്ന അച്ഛനും നീ..
ലകഷ്യത്തിലേക് തുഴയുമ്പോള്‍, തോണിയുലയാതെ
കാക്കുന്ന മാലാഖ നീ..
എന്നിലെ മാതൃത്വം നുകരാനൊരുന്ണിയും നീ..
ശാസിക്കുവാനും ശിക്ഷിക്കുവാനും അധികാരമുള്ള ഏട്ടന്‍ നീ..
ഇനിയും നിര്‍വചിചിട്ടില്ലാത്ത എത്രയോ ആത്മ ബന്ധങ്ങളില്‍ ഒക്കെയും
എന്‍റെ അത്മാവിനോപ്പം കുരുങ്ങി കിടക്കാന്‍ വിധിക്കപെട്ടവനെ,
ബേപ്പൂര്‍ സുല്‍ത്താന്‍ പണ്ട് ചോദിച്ചത് ഞാനും ആവര്‍ത്തിക്കട്ടെ..?
നിനക്ക് ഇഷ്ടമാകില്ല എന്നറിയാം, എങ്കിലും ചോദിക്കുന്നു;
ദൈവമെന്നാണോ പേര്?
