Saturday, January 8, 2011

നിന്നോടെനിയ്ക്ക്


എനിക്ക് പ്രണയമാണ് നിന്നോട് ,
പക്ഷെ നിന്‍റെ ഇഷ്ടം നേടാന്‍ 
എന്നില്‍ നന്മയുടെ കണിക പോലുമില്ല

നിന്‍റെ കൈ കോര്‍ത്ത്‌ നടക്കുന്ന 
സുഹൃത്തുക്കലോടെനിക്ക് അസൂയയാണ് .
അവര്‍ക്കൊപ്പം ചിലവിടുന്ന നിമിഷങ്ങളില്‍ 
നിന്‍റെ മുഖത്ത് വിടരുന്ന ചിരിയോടെനിക്ക് 
പുച്ഛമാണ് .

എനിക്ക് പ്രണയമാണ് നിന്നോട് ,
പക്ഷെ നിന്‍റെ നിറകണ്ണു തുടയ്ക്കാന്‍ 
എന്‍റെ കയ്യില്‍ തൂവാലയില്ല 

നിന്‍ നേര്‍ക്ക്‌ നീളുന്ന അനേകം 
തൂവാലകളോടെനിക്ക്  വെറുപ്പാണ്.
തൂവാല കുതിര്‍ന്നും തരിവളകള്‍ 
കിലുങ്ങിയും പെയ്തൊഴിയുന്ന നിന്‍റെ 
കണ്ണീരിനോടെനിക്ക് അറപ്പാണ്.
    

Friday, January 7, 2011

ഓരോ തണല്‍ മരവും പറയുന്നത്


വെയിലിനെ പ്രണയിച്ച്  , വെയിലിനെ പ്രണയിച്ച്
തണല്‍ മരങ്ങളെ ഞാന്‍ മറന്നു തുടങ്ങിയപ്പോള്‍
മാരിയായി നീ എന്നില്‍ നിര്‍ത്താതെ പെയ്തു
പ്രളയമായി നീ എന്‍റെ ദാഹം ശമിപ്പിച്ചു

മഴ തോര്‍ന്നു , വെയില്‍ കനത്തു 
പ്രളയം കഴിഞ്ഞു , ഭൂമി വരണ്ടു 
ആദ്യമായി ഞാന്‍ നിന്നു വിയര്‍ത്തു 
നീയാം തണല്‍ വിതുള്ളില്‍ കിളുര്‍ത്തു

തളിരായി ഇലയായി പൂവായി കനിയായി
നീ എന്‍റെ ഹൃദയത്തില്‍ പടര്‍ന്നു 
നിന്‍റെ തണലില്‍ നിന്നിട്ടും എന്നെ 
പുണര്‍ന്ന വെയിലിനെ ഞാന്‍ വെറുത്തു 

നിന്‍റെ തണല്‍ കൊണ്ടൊരു കുടീരം 
നിന്‍റെ കരുതല്‍ കൊണ്ടൊരു ഹിമ ശയ്യ 
വേനലിനെ തോല്‍പ്പിക്കാന്‍, വെയിലിനെ 
പ്രണയിക്കാതിരിക്കാന്‍ അത് മതിയായിരുന്നു 
എന്നിട്ടും...

നീ പെയ്തു കൊണ്ടേയിരിക്കുന്നു 
വെയില്‍ നാലാം തോടാതെന്നെ കാക്കുന്നു 
ഞാന്‍ അറിയുന്നു, എന്‍റെ ഹൃത്തില്‍ 
നിറയുന്ന നിന്‍റെ മഴയ്ക്ക് ഉപ്പു രസമാണ്  

Sunday, December 26, 2010

ഞാനും നീയും


കേള്‍ക്കണോ മഴയുടെ അലര്‍ച്ച??

ഈ ഭൂമിയില്‍ ഞാനും നീയും മാത്രം
അവശേഷിച്ചു എന്ന് സങ്കല്പിക്കു 

ഇപ്പോള്‍ നിന്‍റെ മനസ്‌ കരയുന്നില്ലേ ??
അത്രയും ഉച്ചത്തിലാ മഴയുടെ അലര്‍ച്ച.

Friday, December 24, 2010

കടല്‍


രാവിലും ഉറങ്ങാതിരമ്പുന്ന
കടലിനെ ഞാനിത്രമേല്‍ 
പ്രണയിക്കുന്നതെന്തെന്നോ...?
രാവില്‍ ഉറങ്ങാതിരമ്പി അത് നിന്‍റെ 
ഹൃദയത്തെ ഓര്‍മിപ്പിക്കുന്നത്‌ കൊണ്ട്...    

മഴയായ് പുനര്‍ജ്ജനിക്കാം



നമുക്ക് മഴ തുള്ളികളാകാം..
ആകാശത്തിന്‍റെ ഇരുണ്ട നീലിമയില്‍ 
നിന്നടര്‍ന്നു വീഴുമ്പോള്‍ 
ഭൂമിയെയുറ്റു നോക്കാം...
മണ്ണിന്‍റെ മാറിലൂടൊഴുകുന്ന 
നീര്‍ച്ചാലില്‍ ഒന്നായ് പതിക്കാം 
ചെറു വിറയലോടെ ...
പിന്നെ  കുളിരായ് പുഴയായ് 
ആഴി തേടി ആഴങ്ങളിലൊഴുകാം